Finally Roma, aaj woh din aa gaya jiske liye tum itne time se wait kar rahi thi — job ka first day! ✨

Internship ka woh last month, phir ghar par rehne ka woh accha wala phase aaya, Didi ki engagement, phir college ke last days aaye, graduation project, RR Interior pe freelancing. Phir woh sadness aur frustration ka “ab kab job lagega? Aur Vishal se kab milenge?” wala phase, job laga, tumhara convocation, humara trip — aur ab finally tum job join bhi kar rahi ho.

Isme main thoda sa apna credit bhi maanta hoon — bohot thoda sa! 😉

Mujhe pata hai tum kitni hardworking ho. Kabhi-kabhi jab main mazaak mein bolta tha, “Roma, thoda mehnat kar lo,” toh tum gussa ho jaati thi — “Vishal, kar toh rahi hoon!” 😂 Par tumne sach mein bohot mehnat ki hai.

Aur kitni achhi baat hai na ki tumhein bilkul waisi hi company mili jaisi tum chahti thi — bas design pe hi kaam karna ho, exactly waisi hi design profile. Tum hamesha bolti thi ki jahan pehle kaam kiya tha wahan ladkiyan bohot kam thi, par bhagwan ne woh bhi solve kar diya — itni saari female colleagues hain wahan! 😄

Maanta hoon ki tum ghar aur doston se door ho, par I genuinely believe ki bhagwan jo karte hain, achhe ke liye hi karte hain.

Aaj pehle din bohot zyada emotional mat hona. ❤️ Aur mujhe pata hai aaj tumhe Papa ki yaad aayegi, jo ki bohot natural hai.

Unhi ki ichha thi ki tum ek art aur fashion college mein padho. Wohi tumhein coaching le gaye the. Mujhe yaad hai tumne mujhe ye sab kabhi rote-rote bataya tha aur phir ek baar haste-haste bhi.

Woh jahan bhi honge, aaj tum par bohot proud feel kar rahe honge — ki tum ab sahi maayne mein independent ho rahi ho, apne sapne sach kar rahi ho.

Aunty aur Didi ne bhi tumhare liye itna effort lagaya hai. Didi hi thi jo tumhein wapas coaching le gayi thi. Andar hi andar woh dono bhi bohot khush aur proud hongi. Un logon ke sacrifices aur tumhari mehnat ka hi result hai ki aaj tum yahan ho.

Abhi toh bas shuruaat hai, Roma. Aage lamba safar hai.

Aage jaakar tumhein apna kuch bada karna hai, toh fight toh karni padegi. Kabhi low feel ho ya ghar ki yaad aaye, toh ro lena — isme koi burai nahi hai. Par bas rote mat rehna, thodi der baad chup ho jana, hahahaha

Tum bohot brave aur confident ho. Mujhe pata hai tum sab handle kar logi. ❤️

Dheere-dheere tum Surat ko bhi enjoy karne lagogi. Aas-paas ghoomne ki bohot jagah hain. Main bhi aane ki koshish karunga jab bhi free hoonga, aur tum jab chaho mere paas aa sakti ho. ❤️

Life ab bohot achhi hone wali hai.

Bas apni is excitement ko hamesha carry karna.

Give it your best.